Image default

معلومات متعرفهاش عن ماركات عربياتك المفضلة

ما نقدرش ننكر ان العربيات أصبحت جزء كبير من حياتنا العصرية. بعض الناس بتشتري العربيات كنوع من وسائل النقل وتوفير الوقت والمجهود وغيره، لكن برضو في بعض الناس بتشتري العربيات لأنها من ضمن أكبر اهتماماتهم زي الرياضة و ممكن نقول كونها هواية ورفاهية. لو انت من المهتمين بأخبار السيارات سواء كنت بتشتريها كنوع من أنواع الهواية أو لكونها وسيلة مواصلات، خلينا نقولك بعض المعلومات المهمة عن بعض من أهم وأفضل ماركات السيارات عالميا.

  فولكس فاجن

تعرف ليه عربيات فولكس معروفة بلقب “سيارة الشعب”؟

ماركة فولكس فاجن هي من أهم ماركات العربيات في العالم ودي حاجة غنية عن التعريف، بس ايه سبب أهميتها واطلاق عليها لقب سيارة الشعب؟ لقبت ماركة فولكس فاجن بلقب “سيارة الشعب” ودة لأنها انتشرت انتشار واسع جدا. فمثلا وصلت العربية المعروفة باسم “البيتل” الى رقم المليون في أقصر فترة في تاريخ ألمانيا! دة مش السبب الوحيد! تعرف ان ماركة فولكس انتشرت لدرجة انها بقت مسيطرة على ماركات كبيرة عالميا زي البورش واللامبورجيني والأودي والسكودا والبنتلي والبوجاتي؟!! معلومة مبهرة، صح؟

 

دانييل كريج والأستون مارتن

ممكن تكون ماتعرفش الممثل دانييل كريج، بس أكيد تعرف جيمس بوند! انت عارف انه الممثل داننيل كريج بعد دوره المعروف كجيمس بوند بقى له الامتياز انه يسوق أي عربية من أستون مارتن مدى الحياة؟! أيوة مدى الحياة، يعني ممكن نقول انه ممكن يسوق عربية جديدة كل شهر؟!

 (BMW)السر وراء لوجو بي ام دابليو

ناس كتير فاكرة ان لوجو بي ام دابليو هو رمز لمراوح طيارات الهليكوبتر بما ان شركة بي ام دابليو كانت بتصنعها قبل ما تبدأ تصنع السيارات. لكن الاعتقاد دة غلط، المزيج بين الألوان الأبيض والأزرق اللي موجودين في اللوجو يعتبروا رمز لولاية بافاريا اللي كانت جزء من ألمانيا وكانت تحت سيطرة الاتحاد السوفيتي بعد الحرب العالمية التانية.

  معنى رمز تويوتا وهو حرف ال “تي” 

بيتكون رمز ال “تي” في لوجو تويوتا من تلات  أشكال بيضاوية وبيتداخل منها شكلان بيضاويان في الوسط. كمية الأشكال المتداخلة في اللوجو هي في الأساس رمز للعلاقة والثقة اللي بتجمع تويوتا وعملائها. أما الشكل البيضاوي اللي بيحيط بالشكلين فهو بيرمز للتوسع والفرص الغير محدودة اللي بيتقدمها شركة تويوتا. لو ركزت أكتر هتلاقي انه اللوجو برضو بيرمز لعجلة القيادة.

لو انت من محبي العربيات، ازاي تسوق عربية جديدة كل يوم؟

لو قلنالك انك ممكن تسوق عربية جديدة كل يوم من غير مجهود هتصدق؟ غالبا مش هتاخد الكلام على محمل الجد. بس خلينا نقولك ان الكلام دة حقيقي. فريندي كار أول خدمة مشاركة وتأجير السيارات في الشرق الأوسط. خدمة فريندي كار بدأت من دبي وحققت نجاح كبير هناك وبعدين اتنقلت الخدمة عشان توفر خدمات تأجير السيارات في مصر بأسهل الطرق. دلوقتي تقدر تأجر العربية اللي انت عايزها وانت قاعد في مكانك من غير أي مجهود أو أوراق تمضيها وبأسعار عمرك ما هتصدقها. كل اللي عليك انك تسجل على موقع فريندي كار وتختار العربية اللي تناسبك من بين أكتر من  150عربية وبأسعار تبدأ من 300 جنيه في اليوم.

Read Also

Leave a Comment